അളിയന്‍റെ മരുമകള്‍ — (1)182 

അന്ന് അവളുടെ തന്തപ്പടിയും തള്ളപ്പടിയും വേറെ ചിലരും കൂടി സന്ദര്‍ശനത്തിനു വന്ന് അത്താഴം ഒക്കെ കഴിഞ്ഞു പോകാനിറങ്ങുന്ന സമയത്ത് അവരുടെ കാറിന്റെ അടിയിലേക്ക് ഒരു പാമ്പ്‌ ഇഴഞ്ഞു കയറുന്നത് ആരോ കണ്ടു. കണ്ടപാടെ അയാള്‍ പാമ്പേ പാമ്പേ എന്ന് നിലവിളിച്ചു. ഉള്ളില്‍ കയറിയ പാമ്പ്‌ പുറത്തിറങ്ങാതെ കാറിന്റെ അടിയില്‍ വിശ്രമിക്കാന്‍ തുടങ്ങിയതോടെ എല്ലാം ഭയന്ന് മാറി നിന്നു പരസ്പരം ചര്‍ച്ചകള്‍ തുടങ്ങി. ചര്‍ച്ച ചെയ്താല്‍ പാമ്പ്‌ ഇറങ്ങിപ്പോകും എന്നവര്‍ കരുതിക്കാണും. പക്ഷെ പാമ്പ്‌ പോയില്ല.

“ആ തൊമ്മി അങ്കിളിനോട് ഒന്ന് പറ മമ്മി..”

മാര്‍ഗ്ഗമൊന്നും കാണാതെ വന്നതിനാല്‍ അവസാനം റൂബി അങ്ങനെ പറയുന്നത് ഞാന്‍ കേട്ടു. എന്നോട് അവള്‍ അവഗണന കാണിക്കുന്നതിനാല്‍ ബഹളം ഒക്കെ കേട്ടിട്ടും ഞാന്‍ അങ്ങോട്ട്‌ പോകാതെ അവറാന്റെ അടുത്തു തന്നെ ഇരിക്കുകയായിരുന്നു.

“തൊമ്മിച്ചായാ..വണ്ടീടെ അടീല്‍ ഒരു പാമ്പ്‌ കേറി..അത് ഇറങ്ങി പോകുന്നില്ല..” അവളുടെ തള്ള എന്നോട് വന്നു പറഞ്ഞു.

“ആണോ..ഞാന്‍ വരാം”

ഞാന്‍ അങ്ങനെ ടോര്‍ച്ചുമായി ചെന്ന് കാറിന്റെ അടിയില്‍ നോക്കി. മൂര്‍ഖന്‍ ആണ്. അവന്‍ എന്നെ കണ്ടപ്പോള്‍ തലപൊക്കി ഒന്ന് ചീറ്റി.

“യ്യോ ചീറ്റുന്നു..” റൂബി ഭയത്തോടെ പറഞ്ഞുകൊണ്ട് മകനെ ചേര്‍ത്ത് പിടിച്ചു. വെളുത്തു കൊഴുത്ത അവളുടെ ദേഹത്തേക്ക് നോക്കിക്കൊണ്ട് ഞാന്‍ ചെന്ന് ഒരു വടി എടുത്തു.

“മൂര്‍ഖന്‍ ആണ്..നിങ്ങള്‍ ഉള്ളിലോട്ടു കേറി നിന്നോ…” ഞാന്‍ പറഞ്ഞു.